Bärner Oberland
Panorama- und Landschaftsufnahme us em Bärner Oberland.
Informatione über's Bärner Oberland
- Iiwohner: ca 100'000
- Sproch: Bärndütsch
- Wichtigsti stedt:Thun, Spiez, Interlake, Brienz
Lag
S'Oberland ligt im süde vom Kanton Bärn, uf dr nordsiite vo de aupe. Ds'zentrum vor region isch Interlake. Wie de name scho seit, ligt Interlake "zwüsche de see", nämmli zwüsche Brienzer- u Thunersee. Zum is Oberland ds'fahre bruchts vo Bern u Brig öppe 30, vo Luzern 90 u vo Montreux 120 minute.
Landschaft
D'landschaft isch präägt dür d'bärge, wo zum teil über 4000 meter höch si, em eewige schnee, de gletscher u em Brienzer- u Thunersee. Dr wichtischt fluss isch d'Aare. Ihri quöuä ligt im Grimsugebiet. Nach em durquere vom Brienzer-u Thunersee verloht sie ds'Oberland in richtig Bärn.
Sehenswärts
Es muess isch d'fahrt zum 3454m höche Jungfrouhoch, em höchschte bahnhof vo Europa. Überhoupt gitts ir ganze region e füuzau vo bärgbahne wo eim zu schööne uusichtspünkt bringe tüe. Aus biispil sige hie nur ds'Schilthorn u ds Rothorn gnennt. Iidrücklich si natürli au d'Beatushöhle u d'Giessbachfäu.
Gschicht
um 400 v. Chr.
Besidlig dür die keltische Helvezier.
ab 58. v. Chr.
Römischi provinz.
ab 400 n. Chr.
Iiwanderig vo de Allemanne
ab 500
Teil vom Frankeriich, denn vom Heiligä Römische Riich Düütscher Nation.
1130
Gründig vom chlooschter Interlake.
1257
S'chlooschter Interlake wird Bärn ungerstöut.
1328
Bärn chouft d'stadt Thun.
1353
Biitrit vo Bärn zur Eidgenosseschaft.
1648
Uustritt vor Eidgenosseschaft us em Düütsche Riich.
1798
B'setzig vo Bärn dur de Napoleon. Ungergang vom Aute Bärn u entschtehig vom Kanton Oberland.
1803
Ds Oberland wird e teil vom Kanton Bärn.
1913
Eröffnig vom aute Lötschbärgtunnu.
2007
Eröffnig vom Lötschbärg-Basistunnu.
/ Nutzigsbedingige / / zur übersicht / / zur schwiizercharte /
